Knowledge

ပဲလှော်ကြား ဆားညပ်နေတဲ့ ရဲဝန်ထမ်းများနှင့် သူတို့၏ ဇနီးသည်၊ သားသမီးများရဲ့ နောင်ရေး

ပဲလှော်ကြား ဆားညပ်နေတဲ့ ရဲဝန်ထမ်းများသို့..

ရဲဝန်ထမ်းများနှင့် သူတို့၏ ဇနီးသည်၊ သူတို့၏ သားသမီးများရဲ့ နောင်ရေး..

ယခုအခါတွင် မြန်မာပြည်သူပြည်သားတို့၏ စိတ်နှလုံးသားထဲ၌ ရဲဆိုလျှင် အင်မတန် ရွံမုန်းသောစိတ်များ စတင်သန္ဓေတည်လျက် ရှိနေပါသည်။ မြန်မာနိုင်ငံတွင်လည်း ရဲတပ်ဖွဲ့၏ ဂုဏ်သိက္ခာမှာ အလွန်ညှိုးနွမ်းကျဆင်းလျက်ရှိနေပါသည်။ ကလေးငယ်လေးတစ်ဦးက ” ဖေဖေ ရဲတွေက လူဆိုးတွေလားဟင် ” ဟု မေးရာ ဖခင်ဖြစ်သူမှာ အဖြေရှာမရခဲ့ပါ။

ရဲတပ်ဖွဲ့ဝင်များသတိပြုရန်မှာ တပ်မတော်သားများသည် မိမိတို့၏ သားသမီးများကို တပ်တွင်းစာသင်ကျောင်းများ၌ ပညာသင်ယူစေနိုင်သော်လည်း ရဲဝန်ထမ်းများ၏ သားသမီးများမှာမူ ပြည်သူနှင့် ရောနှောကာ စာသင်ကျောင်းများ၌ ပညာသင်ကြားနေရပါသည်။

နောင်အခါ စာသင်ကျောင်းအခန်းဖော်များကြားတွင် ” သူ့အဖေကရဲလေ ” ဆိုသည်နှင့် သူငယ်ချင်းများ၏ ရှောင်ဖယ်ခြင်း၊ အထင်သေးခြင်း၊ ဆရာ / ဆရာမများ၏ စိတ်နာကျင်ခြင်းများကို ရဲဝန်ထမ်းတို့၏ သားသမီးများက ခံစားရရှိနိုင်ပါသည်။

သို့ပါသောကြောင့် ရဲအမှုထမ်းများအနေဖြင့် မိမိတို့၏ ဂုဏ်သိက္ခာကို ညှိုးနွမ်းစေသော အမှုများကို မပြုကြပါရန် မေတ္တာရပ်ခံအပ်ပါသည်။

Credit ပြည်သူတစ်ဦး