Knowledge

ဒီမိုကရေစီ အစိုးရကို စစ်တပ်က အာဏာပြန်လွှဲပေးဖို့ ကမ္ဘာ့အင်အားကြီး (၇) နိုင်ငံက ထုတ်ပြန်လိုက်ပြီ

နိုင်ငံတကာအဖွဲ့အစည်းတစ်ခုဖြစ်တဲ့ ဂျီ-၇ (Group of Seven) နိုင်ငံအကြီးအကဲတွေက မြန်မာနိုင်ငံအာဏာသိမ်းမှုနဲ့ ပတ်သက်တဲ့ ပူးတွဲကြေညာချက်တစ်ရပ်ကို ဒီနေ့ ဖေဖော်ဝါရီ (၃) ရက်နေ့ ရက်စွဲနဲ့ ထုတ်ပြန်လိုက်တယ်လို့ သိရပါတယ်။အဲဒီထုတ်ပြန်ချက်မှာ ကနေဒါ၊ ပြင်သစ်၊ ဂျာမနီ၊ အီတလီ၊ ဂျပန်၊ ယူကေနဲ့ အမေရိကန်က နိုင်ငံခြားရေးဝန်ကြီးတွေနဲ့ ဥရောပသမဂ္ဂ အဆင့်မြင့်ကိုယ်စားလှယ်တစ်ယောက်တို့ပါဝင် လက်မှတ်ရေးထိုးထုတ်ပြန်လိုက်တာ ဖြစ်ပါတယ်။

“နိုင်ငံတော်အတိုင်ပင်ခံ ဒေါ်အောင်ဆန်ဆုကြည်နဲ့ သမ္မတဦးဝင်မြင့်အပါအဝင် နိုင်ငံရေးခေါင်းဆောင်တွေ၊ ပြည်သူ့အဖွဲ့အစည်းတက်ကြွလှုပ်ရှား သူတွေကို ဖမ်းဆီးထိန်းသိမ်းလိုက်တာနဲ့ မီဒီယာတွေကိုလည်း ပစ်မှတ်ထားနေတယ်ဆိုတဲ့အတွက် များစွားစိုးရိမ်ပူပန်မှုဖြစ်ကြောင်း၊ မြန်မာ့စစ်တပ်အနေနဲ့ အရေးပေါ် အခြေအနေကြေညာချက်ကို ချက်ချင်းအဆုံးသတ်ဖို့၊ ပြည်သူရွေးကောက်တင်မြှောက်တဲ့ ဒီမိုကရေစီအစိုးရကို အာဏာပြန်ပေးအပ်ဖို့” ဆိုတဲ့ အချက်တွေထုတ်ပြန်ချက်မှာ ပါရှိပါတယ်။

ဒါ့အပြင် ဥပဒေနဲ့မညီညွတ်ဘဲ ဖမ်းဆီးထိန်းသိမ်းထားသူတွေကို ပြန်လွှတ်ပေးဖို့၊ လူ့အခွင့်အရေးနဲ့ ဥပဒေကို လေးစားလိုက်နာဖို့ ၊ နိုဝင်ဘာရွေးကောက်ပွဲရလဒ်ကို သေချာပေါက်လေးစားလက်ခံဖို့နဲ့ လွှတ်တော်အစောဆုံးပြန်လည် စတင်နိုင်ဖို့လည်း တိုက်တွန်းထားပါတယ်။စစ်တပ်ရဲ့ သတင်းအချက်အလက်စီးဆင်းတာတွေကို ချုပ်ကန့်သတ်မှုတွေအတွက်လည်း စိုးရိမ်မိကြောင်းနဲ့ လူမှုအဖွဲ့အစည်းတွေ၊ မီဒီယာတွေအပါအဝင် ပြည်သူပြည်သားတွေကို ဘယ်လိုပုံစံမျိုးနဲ့မဆို လက်စားချေတာ လုံးဝပြုလုပ်ဖို့လည်း သတိပေးထားပါတယ်။ဂျီ-၇ နိုင်ငံခြားရေးဝန်ကြီးတွေက ၂၀၁၉ ကြေညာချက်ကို ပြန်လည်ဖော်ဆောင်ကြေညာပြီး မြန်မာနိုင်ငံရဲ့ ဒီမိုကရေစီကူးပြောင်းရေး၊ ငြိမ်းချမ်းရေးနဲ့ လူ့အခွင့်အရေးချိုးဖောက်မှုတွေနဲ့ အကြမ်းဖက်အင်အားသုံးမှုတွေအတွက် တောင်းဆိုထားပါတယ်။